2مليون جنيه يا حراميه لكل لاعب لو صعدنا كاس العالم ! وفيه ناس مش لاقيه اكل ولا سكن

بسم الله الرحمن الرحيم

دى الماكافأه من اتحاد الكوره لو المنتخب صعد
طبعا يارب يصعد وكل حاجه
بس 2 مليون جنيه لكل لاعب
يعنى ادى 50 مليون جنيه
وخد عندك بقى الجهاز الادارى ياخدله كمان 50 مليون

ولسه اتحاد الكوره ياخد قد اللعيبه والجهاز الادارى مرتين تلاته على الاقل

طب هتقولا دول تعبوا اوى

هما مين الى تعبوا
والله انا حاسس ان الشعب الغلبان ده هو الى بيتعب لما بنتغلب وبيتحرق دمها
واللعيبه تتغلب ولا تغلب بتاخد فلوس مش فارقه يعنى عندهم


هتقولوا طب ما اى دوله هتعمل كده لو منتخبها صعد؟

هقلكم مصر دول ناميه وفقيره
وشعبها اولى بالمبلغ ده
فيه ناس كتير حالتها صعبه وشباب مش لاقى سكن

طب بلاش الملبلغ كله
كفايه كل لاعب ياخد مليون واحد حتى
والمليون التانى اتبرعوا بيه ..فيه شباب ظروفهم مكسحه
يعنى مهو دول شباب ودول شباب

والله لو قلت لحد من الشباب دول
هتاخد الف جنيه !وتاكل النجيله الى فالملعب فى ساعه ونص
هياكل النجيله والملعب واللاعيبه واحتمال يكمل على الجمهور



ده غير ان فيه ناس فى فلسطين والبلاد العربيه الفقيره
مش لاقيه تاكل ولا تسكن ولا تلبس حتى
وعمالين يموتوا كل يوم

مش دول مسلمين برضه ؟


حتى لو مصر مش هتصعد

فاكيد الجزاير هتعمل نفس الوضه
لانها مواعده الفريق بملبغ خرافى لو صعد



واخيرا ممكن سؤال لكل شخص دخل وقرا الموضوع
هى الفلوس دة جايه منين بالظبط؟

وكمان سؤال
هى لو مصر وصلت كاس العالم وخدت كاس العالم
اللاعيبه هتاخد كام ؟